Volltext Seite (XML)
ustr, da — da — da — deine Frooc, die soll de — de — denkch rajcht gutt rne — me — mit'n Ma — Ma — Mau — laule furt könn, dar br — br — braucht mer ju oarschrt kee noi Mundsticke oaschraubm, u — u — und dar wärsch am- mende a gr — gr — grußr Gef — oalle sein, un — un — und do könnt me — me — mersche o glei ammol mit hiern, wie se ku — lu — luszitt!" „Su is rajcht, su is rajcht, öm- mer steckn de Poatn urndlch, dan hiämschn Rackr!" koams vu oalln Scitn. Dr Baachfriedlschustr soajte San sechn Obö nischt mi. Nu wurd noa röm und nöm gedischkeriert. Wie! dr Armlchschneidr Richter-Gottliebe goar ne vun Ladr ging, do wollte darch o ne groade feege sinn loassn und do meentr derno: „Na, do warn mer ju sahn!" Doas woar ze wingstn a Wnrt, woasch hiern ließ. Abr, doas Gesichte, woas mei Armlchschneidr machte, doas hättr sahn missn. Dr ganze Verein woar an Bölde. Sech, wie se mitztn an noin Hauptmoann wiähln, dr ale — woas'n Golbrg- bauer sei Schwiegrvoatr woar, konnte 's Neitn nemmi rajcht vertroajn, a krickte ömmer glei 'n Kloamp a de Neene —, do doachte dr Armlchschneidr, ha wür'sch warn, abr uu dan mochte dr Verein nischt wössn. Örschtert, weilr kee Pfard hoatte, zweetns, weilr ne reitn konnte und — woas abr de Hauptsache woar — weilr Armlch hieß. Doas burrtch doa goar zu drbarntlch oa. Siebm Juhre woarns boier har, dr Armlchschneidr hoatts noa ne verwunn. Abr hoite, hoite! Dr Book stießn urndlch vr lautr Wollust. Vu dan Duhrschtgzobm oa, wu de Schötznversoammlge gewast woar, wurd a unsn ganzn Dorfe vu wettr nischt mi geredt, oas wie vun Schötznfubeleum und vu Nichter- Gottliebe, doaß dar mißte de Niäde haln. A men Labm is mer moanch liebsmol a Monat lang wurn, abr, 's koann mersch weeß dr Herr, a jeds gleebm, siche lange Wochu hoats nemmi off dr Walt gähn, oas wie die sechn vu Pfingstn oa bis zun Schissn. Abr 's wörd oalls oalle a dr Walt! Ötze wvarsch do, 's Schissn. Unsr Dorf woar ne zun Wiedrdrkenn. Diese Jhrnpfurtn, diese Kränzr, diese Foann, diese Fahnl, diese Gallantn! Und oallendchn stund: „Willkommen!" und „Herzlich willkommen!" Und wie se oalle hoattn de Hoisr repetierlch gemacht, wu dr Zug vrbei koam. Und nu oarscht dr Zug! Nein, dieser Zug! War su woas noa ne gesahn hoat, gleebts ne! Wie de örschtn schnne bale bis ba dr Windmihle «warn, do koamn de letzt» oarscht an Gassl avier gezoin. Doas woar abr o! Dretzn Vereine vun Nobbrdärfrn — bis vu Biehm runtr woarur do —, unse Schötzn — die macht» 'n Kopp und 'n Schwanz vun Zuge —, de Jhrngäste, woas dr Pföarr woar und dr gniädge Herr und dr Jntspektr und dr Herr Schoan- doarm und dr Färschtr un de beedn Schummeestr und de zwiä Granzjajgr und Lobs Gottlieb, woas dr reichste Moan an Dorfe woar, und dr Gruße Noime, dar a dr Cbröstnacht ömmr sei Haus su schiene illcminiern toat, und VoitS- ckröstls Gottlieb, dar an Foabrkantn machte — oalle an Zillindrhittn —, doas heeßt, oack de andern, dr Herr Schoandoarm und dr Färschtr und de zwiä Granzjajgr ne ernc —, drno dr Gesangverein mit ihr'r Foahne und dr Milletiärverein nnd de Tornr, dr Steenegroaphnvercin, dr Dtlletantnverein und 's Männrkassiuo, dr Heemeboattschc Verein und dr Natnrhcilverein — 'n Pfeifmklopp hoattn se noa vergass«, sinstrn wärnr jn noa mihre gewast; die Poarchl hättn o noa Ploatz gehoat. Abr ju — ju, nee — nee, kalt oack halt! Ötze hättck meiseeln glei de Hauptsache vr- poaßt: de Jhrnjnmpfrn! Woas wär oack do nnse Leinwabrn aesoit hoan, de Stollguste? Oalle minnandr a weißn Klee- drn und grinn Schürzn nnd an Hurn guldche Flimmrchl nnd Flammrchl. „Nee, sattg oacke, woas mer fr schiene Maidl a unsn Dorfe hoan!" meente dr ale Michlbäcke, wie'rsche sahk gezoin komm. Nnd wennch nn noa vun Nnni- sorm'm wellte oasaug! Dieses Guld! Nein bloß über dieses Gnld! De Nicdrudrtsr Schötzn machtn an meestn har — dr > Herr Majchor Gloathe woar salbr o mitte —, do woarn unse Schötzn oack Sch . . ßkarle drgegn. Endlch woarn se nu oalle röm öm de Fichte. Wie dr Zug vu dr Stroaße riber off de Schißwiese beegte, gingn off emol de Bällr lus. 's doacht ennr glei, de Walt mißte untrgiehn. Su woas mochtnch die vurnahm'm Grußschinnr Schötzn ne vermutt hoan, die mit ihrn poarchl Knoallerbsn ban Foierwarke. Mir Jung moarschiertn vorneweg und brölltn ömmr egoal furt: „Huhra! Huhra!" und .Pfioat hoch! Pfivat hoch!" Und de Musekantn pföffrn, und de Toambure trommltn! Abr doas woar schiene! Und dr Nichtr-Gottlieb, dar sprengte off sen Pfare an ganzn Zuge droahie, drno off dr andrn Seite wiedr avier. Vern Zelte brölltr ganz laut, woasr zun Hoalse rausbroachte: „B,t- tallion, haalt!" Do stoandn se oalleminnandr wie oage- gossn. Weil abr unse Schießwiese off a sich Jubeleum re eigericht woar, woarn se off drei Kollon ufgemoarschiert. Va jedr Kumpannie stoand a Chur Musekantn. Wie se vu su oallminnandr do stoann, reet dr Hauptmoan örschrt am mol a dr ganzn Reihe avier, drno wiedr droahie; ötze bleßtr 's Pfard öms ganze Korree dröm röm. Abr oalls, woas raicht woar: Wie oagegossn soaßr droffe off sen Pfare, abm Richter-Gottlieb. Wenn mersch ne wajgn ennr Majche- stiätsbeleidgnng zu tun wiär, do welltch sprech«: Ackeroat su wie a Drasn August der Stoarke off«: Neustädte Moarchte sahk'r aus. Abr iech macht miech off meine aln Tage ne noa garne offm Gerichte römsieln, iech wöll liebr nischt gesoajt hoan. Wie'rch nu de Ballangse vu hin avier gehult hoatte, bleebs vu ganz alleene stiehn, 's Pfard, vrn Zeltstoffm. „Ötze kömmt de Niäde!" wuschltn de Loite und poaßtn oalle schune uf wie de Haftlmachr. Nichtr-Gottlieb stackte örscht ammol sen Sabl a de Scheede — ar hoatte genung röm- gefuchtlt mit dan aln Dingrche —, drno brochtr de Brülle aus dr Gapse — 's Oognlicht woarn abm de letzte Zeit a bössl fahlgeschloajn —, nu suchtrch 's Schnopptichl, und nn wischtrch örscht de Värdrseite, derno de Hindrseite ganz schiene urndlch oab, wie'rsch ban Pfoarrn gesahn hoatte, nn soatztrch se uf. Ar mochte abr noa ne oalls besoamm hoan, ar greef wiedr a de Toasche, oas wennr noa woas suchte: Nischt! A fummlte a oalln Gapsn röm: Nerne nischt! Dr Zettl, wu'rch de Niäde drufgeschriebm hoatte, wu mochte oack dar hie sein? Sei ganzes Römgesuche nutzte nischt; a wurd schune ganz zoapplg, 's Pfard o. Ötze gingn dr Seefm- stedr uf: An Hutt nei hoattrn ju geliät, doaßrn glei tiät finn, wenns su weit wiär. Na, a woar ju do. Mei Gott lieb soatztch nu off sen Pfare a Posntur und fung oa: „Hochverehrte Festversammlung! Liebe und werte Kameraden!" („Su uurajcht woarsch ne; wu'rsch oack harnoahm?" kunnt ennr 'n Loitn vun Gesichte oablasn. Dar oarme Armlchschneidr! A dr örscht wur'r ganz rut wie a Gocksch. drno ganz käseweiß und off de Letzt ganz qntcklgale.) „Von nah und fern —, na! — Von nah nnd fern seid Ihr —, na, bst! — Von nah und fern seid Ihr heute — brrr — eh! — Von nah und fern seid Ihr heute er schienen —, stich oack! — um an unser, —, stich oack! — um an unser, Öhrentage —. stich oack erne! — un, an unser, Öhrentage teilzn — stiehste, Rackr! — um an unsen Öhren tage teilzunehmen. — Nee, abr ibr su an vrflickstgn Book! Stich oack! — Es ist uns eine — iech ,nächt oack wössn. woasr hätte? — Es ist uns eine hohe Ehre —, iech schloi dr glei 'n Sabl a de Knochn, stiehste ne! — Es ist uns eine hohe Ehre —, nein, abr su drgleichn! — Edeward, komm oack, hals a bössl!" — Edeward, woas dr Kämmächr-Raheln ihr Moan woar, rackte seine Flinte drweile sen Nobbr, dar druabm stoand, abm Eislts Bencheminne. hie und greef 'n Pfare noa 'n Zaume. — „Iech war wühl glei noa am mol mign vu vurne oafang," meente dr Hauptmoan.