Volltext Seite (XML)
232 Gberlaufltzer Helmatzeimng 2tc. 2S- Alsu, die Suldoaten koamen oagerickt, irscht die Keenigsgre- nadiere aus Liegnitz mit Voater Guldschmidten oa der Spitze hernoach Artallerie aus Sprutte und Trachoner aus Lieben, die mit a gilben Kroagen. Wie die Artallerie koam, doa freite sich der ale Tischler-Ernst und o su Sühn, denn die beeden hoatten bei a Bumbern gestanden. De Fußfantristen blieben ei dam Dürfe und's lauerte goar nie lange, doa hoatte a jeder Voaterlandsver- teidiger sei Quoartier. Zu assen hoatten se genung, denn doas kennt Ihr mer gleeben, ei dam Dürfe goabs nischte vun waigen schmoaler Kust, und doamoals woar die verpuchte Bluckoade no nie derfungen, und doas Milletär kriggte die besten Hoappen. Noamittche, doa woar grußer Oappell vur dar Schule und uff dar grüßen Wiese hingerm Goasthufe. Doa koam o dar Herr Generoal eis Schluß zum Groafen. Dar freite sich, denn ar toat ju dan Generoal vu 1870 har kennen. Gutt dam Dinge. Oabends woar eim Schluffe grüße Toafel. Haußen eim Poarke machte Meester Guldschmidt Musike, uff dar Durfstroaße stulzierten die Suldoaten mit a Madeln und uff dar Mauer im a Poark rim soaßen die kleenen Jungen und Madeln. Sustern doa dursten se doas bei Leibe nie, oaber Hinte doa drickte dar Gartner beede Logen zch de Suldoaten woaren aben eim Dürfe. Su im a achte rim hierte de Musike haußen uff, de Musekanten gingen nei eis Schluß und toaten durte weiter bloasen und vum Kirchturme toat de Oabendglucke leuten. Doa wurd's haußen su pee a per stille. Su hie und doa quietschte a Madel uff, wenn su a Suldoate, und ar hoatte se ei aOarm gekniffen, uder anne Kuh toat mit dar Kette klirrn. A Hundel toat belln, oaber beim Kobelt, eim Kratschen, doa ging's Euch goar lustig zu, doa soaßen de Unteruffziere mit a alen Betteroanen und loaberlen vu a Sul doaten und toaten oastußen und Huchs prilln, denn de Betteroanen lissen sich weeß der Teifel nie lumpen. Oaber nu toat dar Trumpeter bloasen: „Suldoaten sulln zu Bette giehn, nie su lang bei a Madeln stiehn, dar Hauptmoan hoat's gesoat!" Bu a Nupperderfern koam o doas ale schiene Signoal, dar Zoapfenstreich, und vu a Püscheln und vu a Hiebeln runger koam doas Echo. Doa woars nu bale ganz stille eim Dürfe. O eim Schluffe ging e Lichtet noach dem andern aus, is woar Nacht. Kee Liste! rihrte sich, oam Himmel toaten de Sterndel finkeln, oals eb se und se freiten sich, doaß trutz Woaffengeteese oam Toage itze ei dar Nacht su tiefer Frieden ei Deutschland woar. Eim Poarke schrieg a Käuzel und a kleener Bogel piepste uff. Ar hoatte an diesen Traum vum Moarder, dar doas kleene Biechel hoaschen wulste. Dar Moarder guckte derweile aus senn Luche, doas ar ei dar grüßen Eeche oa dar Poarkmauer hoatte, und churchte, eb doas Geteese vum Guldschmidt nu a Ende hoaben täte und ar wieder ei an Hiehnerstoall stulzieren kennte, im sich wieder a moal oa Blutte soat zu saufen. Oam Zaume beim Tischler-Ernst groammelt a Igel rim und toat sich a poar Enger linge suchen uder a poar Schnecken, denn ar hoatte ganz lausigen Hunger. A goanzen Oabend kunnte ar nie uff de Ioid giehn, denn woas die verpachten Suldoaten woaren, die troampetten o ieberoall rim. Ar hoatte diese Laune, und woas Seine woar, die knurrte ar oa. Die toat tickschen und suchte sich alleene ihre poar Wirmer. Uff dar Durfstroaße koam dar ale Nachtwaichteroagesuckt, und wie ar oa sei Häusel koam, doas oa dar Poarkmauer oagelähnt woar, doa toat ar sich neisatzen zu an kleenen Nicker, denn ar buchte, su lange ar doas Durf unger senner Fuchtel hoatte, doa hoatte ar no keenen eenzigen Mausehoaken verwischt. Nu, und groade Hinte, wu su anne Wucht Suldoaten eim Dürfe woaren, füllte woas gemaust warben? Doas gleebt ju kee Ford. Dar ale Moarder, doas ticksche Schindluder, soaß groade hinger dar Kirche und toat ieberlähn, eb ar und ar füllte di dam Paster senn Hiehnerstoall schleichen uder ei dam vum Kanter, doa ging's uff emoal: „Bumm!!!" und no amoal: „Bumm!!!" Dar Moarder flug vur Schreck uff a Puckel. „Nu doas wird ju immer schinner, nie amoal ei su anner Nacht hoatber senne Ruhe zum Stiahlen," und surt sauste ar, heem, suste nischt, ock heem! Dar Igel, dar hoatte groade anne fette Maus ei dar Fresse, die toat ei de unraichte Kehle geroatcn, su doas ar und ar- mußte husten, — bale toat doas oarme Luder dersticken. Doas- Käuzel toat vur Schreck vum Boome plumpsen und im sich gucken», su woas hoatte's weeß Gott no nie gehiert. Doas koan buch nie dam Enkelsuhne vum Groafen senne kleene Pixtole sein? Dar Nachtwaichter flug aus senner Bude, oaber ar wußte, woas sich gehieren toat und o, woas dar Schuß und o dar andere be deuten täten. Ar woar duch nie imsuste Suldoate gewasen und stoand Hinte no stroamm, wenn dar Herr Groaf und ar ging ei Unefurm ei de Kirche zum Sedanfeste. Ar woar ju o 1849 eb Driasden mit derbeine gewasen, wie se und se hoatten durch doas Tur bei dar Bricke geschlissen. Doas woarAloarm! Dar ale Krippensatzer hüllte sich sei Hurn vier und toat nei pusten», wie nie gescheit, is woar, als eb ar und ar wulste a jingsten Toag a wing frieher hoan. Oalle Teelen jaulten und bellten, de Hur nisten koamen raus und toaten bloasen: Tääh tääh tääh, tätäh» tätäh tätäh tätäh tätäh ttiäääh! De Trummler machten an Spek takel, als eb de Koalbfelle und se toaten goar nischte meh Küsten», kurz und gutt, is woar a Heidenlärm, dar Teifel woar lus! Aus a Quoartieren koamen de Suldoaten raus, moanche- woaren no nie ganz oagezoin, und suchten de Soammelplätze. Ock gutt, doatz dar Mond a wing schien. De Uffziere koamen vage- rannt und suchten de Moannschoaften, doas Menschengewimmet woar bale nimmeh schiene. Na, ich koan Euch soin, su a Geloofe hoa ich weeß dar Geier no nie gesahn. Ei a Nupperderfern gings o lus, denn die hoatten doas Ge° sumse o gehiert und dar Spektakel eim Dürfe woar o nie vir Poappe. Dar Herr Generoal koam oagesuckt, Reiter und Urde-- nanzen wurden rimgejoit, vu a Nupperderfern koamen Reiter oageprescht, oaber kee Luder kunnte soin, woas nu egentlich lus sein täte. De Kompanien hoatten sich, su gutt doas ging, versoam- melt, a wing gings no hie und har, oaber uff emoal doa hiß'sr „Stillgestanden, doas Gewehr ieber!" De Uffziere machten nu dam Generoal Meldung, und dar wulste nu goar zu garne wissen, woas- lus is, su a neugieriger Moan. Iu.ju, su woaren die huhen Herrn, egoal wulsten se woas Neues wissen. Wie ar nu goar nischte erfoahren kunnte, meente ar: „Die Sache ist doch merkwürdig, die Geschütze stehen im anderen Dorfe, in A—dorf, aber geschossen wurde doch hier. HerrOberst von B., morgen nach dem Einrücken erwarte ich von Ihnen eingehenden Bericht, ich bitte, die Angelegenheit vollkommen aufzuklären. Guten Abend meine Herren." Doamit ging ar wieder ei doas- Schluß. Die Uffziere und Suldoaten kruchen wieder ei de Betten, oaber ich gleebe, is wird wull no mancher vu dann Herrn eim Bette gelähn hoan und hoat gebucht: „Verpacht no amoal, war hoat hie geschlissen, war woar doas Schindluder? Woas hoat doas zu bebeuten? Kanonen sein duch nie hie eim Dürfe, und wenn se, und se täten hie stiehn, se sein duch nie geloaden, die brauchen duch irscht a andern Toag geloaden zu warben, wenn dar Feind und ar macht sich mausig. Oaber su anner alen Kanone is ooch weeß der Kuckuck nie zu traun, die giehn o lus, wenn se goar nie geloaden sein, doas sein verpuchte Aster." A andern Tag woar nu egoal a Geschisse und a Gebumse ei dar Drähe, doa wußte dar Oberscht, woas doas zu bedeuten hoatte, oaber vu dann beeden Krachen ei dar irschten Nacht, doadervun kunnte ar sich keen'n Bersch nie machen. Nu koam dar letzte Toag, oa dam dar Feind und ar füllte uffs Haupt geschloin warben, ar hoatte senn Nischel schunt zuraichte gerickt. Dar Oberscht hoatte lausige Laune und sei Adjetante oo, beede kunnten ei bar Nacht nie schloafen, se toaten träumen vu sitten komischen Jacken ohne blanke Kneppe und vu sitten komi schen Helmen ohne Oadlern vurne droa und ohne Spitzen üben druff. Und egoal hierten se schiffen und die Kanonen hoatten se uff ihren Woampen liegen. Dar Herr Generoal soag die beeden Uffziere egoal asu komisch oa, und ar hoatte dan Oberscht nie groade vur anne leichte Uffgoabe gestellt, denn ar stand vur dam Uffricken zum Generoal. Nie amoal zum Assen und zum Trinken hoatten dar Oberscht und dar Adjetante Lust, is woar bale nie- meh zum Aushalen.