Volltext Seite (XML)
blus fer Dich!" Do wat er sich offborschteln, feixte ans ans ond meente porz'g: „Wenn'ch off Euch lauern wellte, wär'ch verkeeft. — Denkt'er erne, ich woar mich hiehe har offs Dorf setzn, ön Sommer off Moirerarbt giöhn ond zum Harbst ön de Fabrilre bandwaabern! — Nu, dö schnieder'ch ober ön de Finger! Ich sah mer irscht amo de Walt oan." Ich soats'n: „Du worscht no amo garne heem komm'n, oaber, — do words ze späte sein! — Gieh nor, du noinnoinzig mo gescheidter Karle du, — loß der amo haußn de Noase putzen!" — Ee Wort goabs andre, oals oaber der Junge de Heemte ond ihre Sittn ön Dreck tratn toat ond sich o noä iöber ons Ahlen lost'g machte, do woarsch aus ond alle möt mir, do konnt'ch mer nö halfen, do zeigt'chn de Türe. „Euch war'ch nö wieder ze nohnde komm'n, soat er noa," derno rückt er oab ond soall itze noa wiöder komm'n. — Sein nu an de zwanz'g Iohre har. Wie mer su gehiert hoan, soll er o verheirot't sein, 'n Krieg Hot er o de ganze Zeit dorch möt gemacht, bis er'sch Frühjahr Sechzn bei Werdeng ön de franzies'sche Gefangenschoaft geroatn toat, wie ons Gartnersch Auguste sei Grußer schreb, möt dann er zesomm'n bei eener Kom- penie gewast woar! — OnS^hot er ju nö a eenz'ges Mol woas von sich ze Hirn gegahn! Mir labtn nö nich fer'n! — Ja, verlaßt oich norre off de Kinder, do seid er oaber o glei ganz verloss'n! A poar Tran'n kullerten Koarln iöber seine ronzlichen Backn. Feste tapst er wet'r. 's woar ane Pracht haußen. De Beeme hing'n vuller Schniö ond hoatten prächt'ge Pudelmützen offe. Oalles woar su schinne, wie möt an weißen Tuche iöberzuhn. Dar Schwedensteen, dar o ganz weiß ei'gemummelt woar, — dar schien'n zuzenick'n: „Boater Oswald! — Immer'n Kopp ub'n behaln. War ward sich denne glei zer Bank Haun lassen. — Morne ös Weihnachten! — Onser Harrgott vergößt Keen'n, dar an'n gleebt. War wöß, woas er no möt Dir alles vir hat!" Do morde Oswalds Koarln off emo röchtg leichte öms Harze. Wie er nu iöber'n Barg woar, hung'n sei Aebersteene wie aus anner Spiölziögschachtel hingestrcet önd nu derzwöschn sei Hoisel sahk, do toat er de Mütze abnahm'n, de Hände saltn ond batn: „Liewer Gott! Bale wär ich doa an der örre geworn! Nömme mersch ju nö fer iöbel! Du worscht schon's Röcht'ge fingn ond ons nö ön Stöche laffn! Wie schiöne ös doa de Heemte ond's Harze lacht Een'n ver Fredn, wenn mer su sahn kann, wie doas alleng'n su hübsch ös! — Amen!" — 's woar Koarln, als wcnn'n a Steen von Herzen runger wäre. Derheeme toats ze Mittge ganze Aborn möt Quark gähn ond derzu noa an Flunsch von seiner Froa, dooß'n de Fieder bale ö» Hoalse steck» vlebn. Koarle melberte de Most risch runger, ar hoatte noa oallerlee haußen rim ze tune ond üb'ck Koarle versahk, woar » der Obnd iöber'n Hoals gckommn. A Christbeemel gehiert ze Weihnachtn, wem'r o ju wett nischt Hot — soarte sich Koarle — ond wenn mersch Hinte noa aus'» Schweinegrunde huln täte, do morde der liewe Gott derwagn o nö diese sein. Ich nahm mer ju o blus 's klinste Beemel. Der Farschter ös der Schlechtste o noa nö. Wenn dar mich derbci derwischn täte, mord er o nischt soan ond goar nö hönsahn. Ar doatch's nö lange iöberleen, macht'ch off de Sockn onds dauerte nö eb'g, hott er o a hoalwegs Beemel gefungn. Koarle mollerte nu wiöder heem, ohne daß'» jemand der Quäre gekommn wäre. Nu toat'erch in Boom noa zerrechte stutz», 's Beemel a bissel oanpotzn, a poar ale Lichte zesoamnsuchn ond derno se oanbrcnnen. Nu hulte sich Koarle de Bibel anzu, satz'ch an Tösch noan ond sung oan, drinne ze lasen. „Wenn Emile noa tikscht — doacht'erch, — doa hoach'ch doa zewenigstnsImande, möt doan'ch mich unger- Halen koann!" — Sene Froa woar derweilc behuts' ön de Schtube neingehompelt ond toat Koarln, dar nö schlecht guckn toat, wu die off emo har- geschneit koam, —von hingen bei'n Koppe nahm» ond streecheln. De halln Tranen kullcrtn er iöber de Backe, wie se zu'n soan wate: „Boater! — Wonn'mer de wiöder een'g sein! — Siehste — doas wöß'ch, doaß der schold'ge Teel bön! Oober wie doas su ös, — wenns Harze vull ös, do sucht's an Ausweg, ond do muß es naus! — Hinte, zem heil'gn Obnd,sötzn mir beedn ahln Loite nu eis'n ond verlossen hiehe ön unfern Hoisel. Oalle Nobbern hoan ihre Kinder ond Enkel beis'ch ond freen sich mit se, wie der heil'ge Christ beschert Hot. Blus öm ons, — do kümmert sich keene Menschenseele, — 's eegne Kind giöht ons aus'n Wage." Doas konnte Koarle nu o nö möt oansahn, doaß die Sache jener Froa su nohnde ging, — 's toat'n ju manchmo falber röm- röcken, oaber do luß sich Koarle nischt mark», do toat er er nu gutt zuredn ond soate: „Mütter! Wie mer 70 haußn ön Frank reich manch liebs Mol de Kugeln öm de Uhrn saustn — du, — do hoa'ch der woas gebalt: „Lieber Gott! Loß mich ner noa ser meine Froa ond'n Iungn labn!" Ar hots gnäd'g gemacht ond mich Euch derholn! — Oaber nu Hot er ons doa noa 'n Jungen genommen! Mutter! Do nötz's ganze Gefehnse nischt! — Der liebe Gott läßt sich abn keene Gesetze machen! — 's ös der ganz gutt su. Dar wöß der schun, woas er wöll! — Drim soa'choömmer: Nömei,sonderndciWöllesollgeschahn!" Seine Froa goabn do o vullkommn Recht ond toat'ch nu oan Koarln noanhuscheln. Uff emo fung se, irscht leise, derno ömmer lauter, — Koarle brommte möte — oan zesommn: „Stille Nacht, heilige Nacht!" — Se hotn kaum oangefangn, oals haußn vorn Fünfter ane Halle Kinder- ond ane tiefe Mannerschtömme in's Lied möt einfuhlen. Ereschert hierten do o glei die beeden Ahlen möt ihren Gcsomse off ond hurchten oandächtig dar hübschen Singcrei zu, die'n wie ane Botschoaft vom Himmel ond vom lieben Gotte vorkoam. — „Boater! — Woar der doas oaber schiön! — Oals wenn der'sch Engel gewasn wärn," meente ergröffn de Mutter Oswald'n ze ihren Moanne, dar o ganz weg woar ond kee Mörtel soan toat. Uff emo pucht's leise oan der Türe ond üb merch versahk, ging se off. — A Moannsn ön grauen Soldoatensachen koam nein, bleb vorne stiöhn ond soate wetr nischt, blus doas eene Woartel: „Muttr! — Boatr!" — Oswalds Koarle soaß do wie verteppcrt, su koams'n iöber'n Hoals, ar brachte nischt raus, — oaber sene Froa — uffoahrn, dan Fremden antgcgnhompel» ond öns Gesöchte sahn, woar euch oalles eens. Ond do konnte sich nu nö mie hoalen, fuhln öm Hoals ond soate freedenvull zu'n: „Arnst! — Mei guter Arnst! Biste's oder biste's nö? — Wu hoste denn blus su lange gestackt? Hoste denn Deine ahle Mutter ganz ond goar vergassen?" — Itze koam oaber Laben ön Oswalds Koarln ond möt aner Stömme, die mer'n goarnö zugettaut hätte, futste ar dan Fremden oan: „Hirschte's! — Du mißratener Karle, Du! — Naus aus meinem Geheefte! — Host'ch sulange nö öm Deine ahlen Eltern gekümmert, — nu, — wu se verböttert ond ohne Freede jeden Tag, dan der liebe Gott warn läßt, dadroff woartn, doaß er'sche heemhult, — do brauchste nu o nö irscht noa ze kommen! — Mir hoan Der de viölen langen Iohre har woas off Dich gewart't ond gedacht, — ar muß doa amo kommen! Ond ömmer imsinst gehofft! — Wiev'l Tran'n mer öm Dich Tunichgutaeweent hoan, wöß alleene der liebe Gott! — Mir Iwee'e sein fert'gmön» ander! — Berschtiöste?" — „Boater!" battelte do sene Froa, die'n Sühn noa feste öm- schlung'n hotte, „'s ös doa onser Junge! Ond ar ös doa nu o wiöder gekommen." — Do komse oaber bei Koarln schiöne oan. Ganz ereschert ond heescher ver Ärger brüllt'r sein'n Sühn oan ond toat'n de Türe weisn: „Woas Oswalds Koarle emo gesollt Hot, gölt o! —Naus! sag'ch Der, sist " ond wetr koam er nö. Zer Türe nein koam a kleenes, hübsches erberes Madl möt an Blumnstreeßl ön de Patscheln glei off Koarln droff zu ond meente beharzt zu'n: „Gruoßvoater! — Zank nor nö glei mit mein'n gutn Boatel! — Dar ös su ömmer traurig, seit Muttel öm Hüm mel ös!" — Kee Wort brochte do Koarle nich naus. Wie a Won- der guckt'r doas Madel oan, doas'ch goarnö ver'n farchtn loat