Volltext Seite (XML)
Enne Ioidverpachtung Bon R. in Sch. Pilzdurf füllt de Ioid verpacht't warn. Wie dr Sunntg roakoam, zugen'ch de Bauern 'n Sunntgrouck oa und gingen ei'n Kratschn. Uber 100 Manner woarn doa, und se dischkerierten da en Tippel Biere fleißg über ihre Ioid. Se toaten aber sihr spoarsoam trinken, weil se no ne wußten, eb dr neue Pachter 's Bier bezoahlen würd. Der Ioid- vierstand, was de Labelts Emil woar, Hosts nutwendg. Ha luf vu en'n Tische zun annern und toate feststellen, eb se alle doa warn. „Woas bist'n für enner?" froit ar ei enner Tour fortwährend. „Iche?", soit Müllers Paul, „ich bi a ejstimmgcr?" „Und du?" „A vierstimmger." Und su gings zengstrim, volle befroit ar, eb se „es-, oder zwee-, oder drei- oder goar vierstimmge" woarn. E poar wischperten egoal mitanandcr. Die hoatten'ch mitsamte verspruchen. wam se de Ioidstimme gähn wullten. Aber verroaten toat Kenner nischt. Bis etze hoatt de Ioid e grußer Harr g'hott. Dar füllt se oaber ne mi Kriegen. E ganzer Trupp höal'ch verschwur«, doaß se ihre Stimmen en'n Grußbauer aus ihrem Dörfel gähn wullten. Woas de doa für enne Abmach'che derbei woar, doas weeß'ch ne. Also, se dischkerierten feste und sahken immer uf de Türe, wenn se ufging, eb amende de „Setzer" kämen. Nu, 's koamen o e poar feine Manner. Arscht enner mit en'n Zwicker, 's kannten niemand. Drno koam dr dicke Weinmüller und enner mit en'n grußn Boarte, bis de uf eemol es Automobbl eifuhr und dr reiche Moan ausstieg, dar de Ioid bis etze g'hoat hoatte. Doa goabs e Gegucke und »alle hielten se wie ufBefahl's Maul. 's woar wie ei dr Korche. Aber ock a poar Minuten. Dr reiche Moan hoat'ck kaum gesatzt, doa fungen e poar oa ze pfischeln: „Ha kriegt se nenn !" 's goab aber o e grüß poar, die de meenten: „Worum ne? Wenn ha vill setzt, kriegt ha se." Wie se nu su enne Weile dischkeriert hoatten, trampelte dr Ioidvierstand mit 'n Stiefel uf de Dielen. Doa wurd glei Ruhe. „Meine Harrn," soit ar, „ich hoa mich hoite als Ioidvierstand dohiehar versammelt und will etze euch begrüßen. Ich heeße euch also oalle mitsamte schiene willkommen und etz wull mer de Ioid verpachten. Arschtlich läse ich amol vier, woas für Gesetze! uf- geschriebn sein, doaß damite ock a jeder ej-, oder zwee-, oder drei-, oder vierstimmiger und o de Harrn „Setzer" Wissen hoan, woas ze tun is." Und nu loas ar vier. Weils a brinkl lang woar, fungen de Löste wieder oa ze reden und ze murmeln, su doaß dr Bierstand immer wieder amol mit 'n Stiefel uf de Dielen pumpern mußte, doaß damite Ruhe wurd. Wie a fiertg woar, noahm ar senn Zwicker vo der Noase und soite: „War de setzen will, muß'ch ei mei Büchel eischreiben." Do rockten de Setzer hie und schrieben'ch nei. Etz wurds aber mäuselstille. Der Vierstand satzt 'ch 'n Zwicker wieder uf — doas macht ar oalle Moale, wenn ha auswendg reden mußte, zun Schreiben braucht ar'n ne — und soite: „Also, meine Harrn, etze Kinn se oafangen mit Bitten." Etz wurds no stiller wie arscht. Kenner ruhrt'ch. O dar Nob- ligc »e. 'n Bierstand wurd ängstlich. A guckt emol lieber und emol nieder. Weil'ch Kenner rührte, wurd ar ärgerlich und brüllte „Nu zun Dunnerwater! Do tut ock bitten!" Etz gings glei. Augenblicklich stund dar reiche Moan uf — ar woar e langer Karle — und hust enne schiene Predgt. Ar soite: „Meine Herren! Ich habe die Jagd bisher gehabt, will sie auch gerne wieder nehmen, obwohl nicht viel los ist. In Anbetracht der heutigen Geldentwertung will ich den Pacht erhöhen. Bisher hat die Jagd 400 Mark gekostet. Ich setze 2000 Mark." Soits und satzt'ch. Kreiz no amol! Etz stockten de Bauern de Köppe zesammen; se toaten'ch o enander mit 'n Been stußen und su. „Ihr hoats g'hiert," meente dr Bierstand. „2000 Markel. Bitt enner hicher?" „2050 Mark," soit dr dicke Müller. „2050", brüllt dr Bierstand, „2050! Immer no 2050!" „2100", meent dr Lange. Und nu klariert de Bitterei su sachte ei de Hichte, bis se uf 3000 Mark sitzen blieben. Der reiche Moan hoats hichste Gebot oabgegahn. 's wär nu eegentlich fierig gwasen. Do stoand oaber enner uf, dar soit: „Also, wie issen doas? Mir hoan doch e Ioidassen zu Kriegen. Eb mir oabstimmen, muß arscht gefroit warn, eb mir o 's Asien wieder Kriegen." Doas woar enne dumme Sache. Su viel Gald und o no e Assen, 's letzte hatte bale 3000 Mark gekust't. Eb do dar reiche Moan no wird mitmachen? 's nutzt aber nischt. 's mußte beredt werden. Der Vierstand soite zo dann, die gesetzt hoatten: „Giht ihr amol drweile naus!" Wie se draußen woarn, gings übers Assen har. „'s Asin muß gegahn warn und o urndlich Bier!" brüllt enner. „Bravo, bravo!" gings durchennander. Dr Vierstand meente: „Ar wards ock ne machen. Su vill Gald und o no Assen." Etz wurds wie ei dr Sommeschlacht. Dr Pierstand hullt'ch de Uhren zu vo dan Trummelfoier. Ha meent hingvanouch: „Su schlimp wär'sch ein'n Kriege ne gewast." Und dar muß doch wissen, ar woar vier Iuhre mitte. Endlich ließ dr Rummel noach. „Also, wie hoatt'rsch?" soit dr Vierstand: Doa woar enner, dar de gut reden kunnt, oaber ock eene Stimme hoat, dar meent: „Doas is unsr heilges. angebornes Nascht, doaß mr o e Asien Kriegen. Lieber gähn mr de Ioid en'n, dar de e brinkl winger gesetzt hoatt. Aber gegossen werd." „Bravo, bravo," machten do oalle. Und nu wurdn se glei eens und dr Bierstand wullt o schun de „Setzer" reihulln, da huppt enner ei de Hichte, dar brüllte: „Halt, Vierstand, ich gebstte no amol Halt!" Dr Vicrstand drschroak urndlich und blieb stiehn. „Also, meine Herrn, doas giht ne a su eefach. Mir Han etz alle für e Assen gestimmt. Gut is! Bier wulln mr o derzu hoan! Gut is. Woas ze rouchen o! Gutis! Und e Schnapset muß o warn! Gut is! — Aber soit amol, ihr Loite, wie issen doas: Mr hoan doch Eejstimmge, mr hoan Zweestimmge, mr hoan Dreistimmge und mir hoan Vierstimmge, mr hoan aber o en Elf stimmgen! Is doas ne enne Ungerechtigkeet, wenn die „Eej- stimmgen" groade su vill ze assen Kriegen wie die Miehstimmgen?" Dr Vierstand kroatzt'ch Hintern Uhren, 's Trummelfoier ging wieder lus und wullt o goar ne ushören. Die „Miehstimmgen" wulstens den „Eejstimmgen" ne oerginn, doaß die dasselbe Assen hoan füllten, und die mochten ne noachgahn. 's sahst ne vill, ging de Keilerei lus. Dr Vierstand kunnt mit senn Absätze pumpern su vill ar wullt, 's hielte niemand druff. „Ich bi a Vierstimmger! Ich hoas Rajcht uf viermoal assen!" brüllt enner. „Und ich will zweemoal assen, ich bi a Zweestimmgerl" Und der Elsstimmge wullt elfmoal assen und su surt. 's wurd keene Eenigkeet. Die „Eejstimmgen" vergunnten's dan „Mieh stimmgen" ne und de „Miehstimmgen" dan „Eejstimmgen" ne, doaß die o su vill ze assen Kriegen füllten. „Doa müß mr en'n Avekoäten befroin," brüllt enner. Und dam wurd rajcht gegahn. De „Setzer" wurden rei gehüllt. Der reiche Moan kriegte seine Ioid. Wie ar nu ims Assen befroit wurde, do meent ar, ar hätt dan Skandal bis draußen gehiert. Ar wullt aber niemanden Unrecht tun und do wullt ar uf doas Assen verzichten. Se kriegte» ock genung Bier und woas ze rauchen. Darbei bleebs. Seit dar Zeit sein de „Eejstimmgen" fuchs- teifelswilde uf de „Miehstimmgen", weil se nu goar kee Assen Kriegen.