Volltext Seite (XML)
's poassiern a'm hotte o noa Wonder! Heitere Weihnachts-Geschichte aus der Westlausitz Von Hermann Weise Off dar tücht'g verschneiten Schtrooße von Bischn no Koamz toappelte am Tage ver'n heil'gen Omde ön derr Dammerche a aaler, wackliger Handwarksborsche, dan ön senen dorft'gen, dünnen Klüftchn nö groade ze woarm sen mochte. Dar eisekaale Wind blaadertn tücht'g aus ond gingn dorch ond dorch. Do bohrt er die blttzeblaun Pfuoten woas ön de Gabsen nein, die poar Storzelh, die ar noa ön Maule hotte, kleppertn wie ane Schreibmoaschine ond sei leet'ger Moagen machte derrzu o noa an laus'gen Krach ond lutz'ch goar nö mih beruh'gen. „Doas mord juo wiöder amo a traurig bössel Weih nachten warn!" bremelt er ver sich hön. „Egoa Hot mer Kohlendoampf ön Koaldaunen, ond derbeie o nö amo an eenz'gen Pfenng Gald! — Kee Mensch tut eenen ötze mih woas gähn! Oalle wo'nse o keene Arbt hoan ond svan ze dir: „Mer möchten doa glei salwer möt batteln gtöhn!" — We mer ner zewingstens ganzes Geschiehde hätte, — dar Lauseschniö soalbt ö'ch doa ein bis off de Knoche. Oalls an eenen kriegt's Reißen, doaß juo dar imfamgte Wind raicht gutt net pfeifen koa. 's göbt a m keen guten Men schen mih! — De Noächstenliewe hot'ch ötze schlossen geleet! Ond Wonder poassiern derr ön dar verdreöhten Zeit nu glei goar nö mih!" Off emo fung er oan, woas offgepoaßt ze warn ond dreöhte de Noase woas hön ond haar. A Handwarksborsche Hot ömmer ane feine Rieche. Ar schnoodert ond brommte berno fer sich, derrbeie möt'n Koppe schött'lnd: „Gotts tausnd noa mo! — Weit ond breet ös doa o nö 's Geringste ze sahne ond ich wellte doa ötze glei schteif ond feste be haupt«, doaß es htehe no fein'n Gebacknen roicht! — Mei Zinken Hot doa nö 'n Verrschlagg ond hot'ch doa sist o noa nie getatscht,' doas giöht juo hiehe nö möt raichten Dingen zu!" Ar guckt'ch nu off der Schtrooße, ön'n Graann ond hiö'm off'n Faldern woas öm, — nischt ös zu sahne. Off emo siehtt err möttels off'n Waage, no'n Hennerschdorfer Busche zu, woas Schwoarzes leegen. „Sellt's doas erne sen, woas de suo gutt roicht?" ploatzt err raus — ond schon schleech ar sich behutsn noan ond toat'ch's eegent von »allen Seiten begaaken. „Ich getrau mersch goar nö ze gleeben!" soat er leise fer sich. „Sah'ch oder sah'ch nö raicht? Ich koa gucken wie'ch wöll, 's bleibt a'm derrbeie! 's ös doa, — mer sellts kaum fer möglich haalen, — a noibackner Schtriözel, dar de hiehe suo oapptittlich aus'» Schniöe afür guckt!" 's wolltn irscht ömmer noa goar nö ön Kopp nein, ar machte irscht noa a poar mo an Bogen drömmerröm, suhlte möt'n Schoappche droan ond tipste derno o noa mo vor- sicht'g möt'n Zeigefinger off doas raatselhofte Ding — ond ver Freeden macht err glei a poar Hopser. Ar hot'ch doa nö getoischt, 's woar a leibhoaft'ger, noa woarmer Schtriö zel, dar de htehe mutterseelenalleene ön aner Windweöwe schtackte. Ond o noa nö amo a geweehnlicher Ploatz, doas toat mer juo schon von weiten riechen. „Wie mig dar ner hiehe haar kommen sen?" philoso phierte derr aale Battelmoann fer sich hön. „Doas ös ond bleibt merr doa a Raatsel! — Siehste," soat err sich, „du aaler Esel ond Knärglich! Do hoste nu wiöder amo ömsist gewinselt ond geboarmt! Ver a poar Minuten hoste noa verzweifln onds verschreiten -wolln, doaß es keene guten Loite ond o keene Wonder mih gähn toäte — ond htehe fällt derr off emo wie ane Schtarnschnoppe a noibackner Weihnachtsschtriözel vom Hümmel!" Ond ver Freeden toat dar aale Kunde 's irschte mo wiöder ön sen'n La m baaten ond'n liewn Gott fer'sch unverhoffte Weihnachtsgeschenke von Harzen danken. Seelnvergnügt sackt'err dan noa woarmen Schtriözel van, wöckeltn ön sei Höckel nein ond freete sich ön Schtöl- len schon off Hinte Omd, wie gutt'n do dar feine Schtriözlch schmücken wore. Getäsche weiter tvapplnd, sommt'er leise fer sich hön: „O du fröhliche, o du selige, Schtriözel bringende Weih nachtszeit! — —" * Dorch wam ond woas woar nn dar Handwarksborsche zo senen Weihnachtsschtriözel gekommen? — Doas ward'err glei dcrfvahren. Dan verhungerten Hennerschdorfer Bauer, Micklichs Ehregotte sene Froa, hotte htehe hü'm ön Gel'n dein Bäcker ze Weihnachten gebacken ond nu zem Omde hotte ihr Aaler doas Zoig möt'n gruoßen Pfarreschliötten heem gehuolt. Derr Küche morde öu'n gruoßen Schliötten ver packt ond an'n hingen öraan a klinner Haanöschlöttch noan gebungen, wuo ön an Heöwekorwe, möt Schtröckln drömer- röm gntt verschnürt, die noa woarmen Schtriözel nein ge- schöcht worden. Nu ging de Fuhrchte luös. Die beeden aalen Geizkroagen sahkn'ch oaller Püffe ömzeech'g no dan woas hön ond haar weödelndn Schliöt ten öm, oab err o juo noa hingen röm leiern tat. Wuo nu von derr Koamz'schen Schtrooße derr Waag no Hennerschdorf nein ging, kriegte dar klinne Schliöttch dorch das rische Eilenken suo an Schwinderling, doaß err an Waagweiser droan schtreefte ond do derrbeie möt öm- keepelte. Ee Schtriözelch sauste dorch bau Prcllerch möt raus ond dar Schliötten schindelte off derr Gusche, der Schtriözelkorb no »ngen — off'n Waage lang hön. Do's finstriger gewor'n woar, hotte derr Bauer, nu noa derrzu bei dan Sauwatter ond dan beiß'gen Winde, vorne seine lieivc Nuot ond sen ecnz'schen Droasch möt de Pfaarc. Sene Aale guckt'ch derfür baale mo öm ond toat'ch zefriöden gähn, wie se sahk, doaß der Schliöttch noa hingerhaar pritzschte. — Wie se nu dorch'n Bosch ond baale an's Dorf noan woaren, koam'n a jungs Borschel antgegen. Kaum hotte dar die verkoahrte Schtriözelfuhre htngenno spitz g'kriegt, bläckt'err höhn'sch hinger dan Beeden har: „Ihr tut wuo Oire Schtriözel hiehe irscht noa poltern ond öm sist bezockern wo'n! — Ihr ward wuo ön Oiern Karwel hönne bluoß noa lauter Broacket ond zerwöchste Schtriözel hoan!" Troapp toaten se doa oanhaalen — ond bluoß die tallergruoßen Oogen von die beeden Aalen hätt'err sahn siu, wie'n doas ze Gesöchte koam. Die ganzen Schtriözel woaren ön dan ömgekappten Karwel ausnnander geflaaöert ond o kee Eenz'ger woar mih ganz. — Do fuhr oawer dan beeden hoab'schen Bauerschloiten de Laus iöwer'n Grind, doaß'n suo woas poassiert woar ond ver Wut reddn se kee Wort mih bis heeme. Dvrte toat sich's ,irscht rausschtaalen, doaß de ee, ond o noa derr größte, extroagute Schtriözel fahlen tut. Do grünste de Aale baale ver Wut ond hätt'ch ver lauter Boußt ond Arger an liebsten 'n Nüschel an derr Waand eigerannt. „Mer möchte bluoß müssen, öm wa'm mer sich doas verdient Hot, doaß eenen doas ltewe Weihnachtsfest suo verböttert ond verkömmelt mord, doaß mer'ch baale de Hoore eenzeln rausroppen kennte! — Hot mer'ch 's ganze Johr off dan guten Viöß gefreet ond do muß — ausgerecht — derr gute Schtriözelch zem Teifel giöhn!" hoilte de Aale noa 'n ganzen Omd röm. Ond o 's ganze Fest iöwer bleb's bei dan beeden Micklichs Loiten bei derr krack'chen Laune. Ond doa hotte doas Moallör hiehe o sei Gut's! — A oarmer, verbötterter Handwarksborsche hotte o amo ane unverhoffte Weihnachtsfreede ond derbeie 'n Glooben au Gott ond de Menschheet wiöder aesunan.